雖然好唔安樂，
面對呢個社會無力感好重，
但係都唔可以一句
「唔安樂又可以點？」
去略過呢一班人。
過去呢段時間我好少出街，
因為唔係有好多口罩。
有一次出街見到兩個老人家，
各戴一個根本唔啱size嘅兒童口罩，
我第一時間諗：
如果有多一個口罩喺身我會比一個佢哋
（當然佢哋都有可能係覺得焗所以帶個細size🤷🏻♀️）
無論如何，
之後每次出街我都盡量帶多一兩個新口罩，
見到清潔工人又好，
老人家又好，
露宿者又好都畀一個佢。
可能你會話「其實佢哋需要錢多啲」，
但係佢哋隔住口罩都見到嘅笑容話俾我知
「唔係」，
佢哋除咗需要口罩，
仲需要人關心，
一個口罩，
一句身體健康，
唔係啲咩大恩大德，
只係舉手之勞，
喺呢個「正苦」嘅社會，
我哋都需要一點甜。
累了，
晚安。
Search